Inabisuhan kan Department of Foreign Affairs an mga Pilipinong nurse na naghahanap nin trabaho sa New Zealand na mag-ingat huli ta wara ngunyan na mga trabaho na pigtatangro para sa mga foreign nurses o Internationally Qualified Nurses.
An nasabing patanid an ginibo kan Embahada kan Pilipinas sa Wellington, New Zealand makalihis mapag-araman na igwang mga indibidwal asin mga ahensya na nagtatangro na mag-facilitate sa pag-hire nin mga dayuhan na nurses sa paagi kan pag-asikaso nin biyahe pasiring saNew Zealand gamit an visitor visa ngani na makakuwa nin Comprehensive Assessment Program o Objective Structured Clinical Examination para sa mga nurse asin makapag apply sa registration kan Nursing Council of New Zealand.
Segun sa opisyal na dae nagagarantiya an nasabing eksaminasyon hin trabaho huli ta nakadepende ini sa local demand para sa nurses asin abilidad kan mga employer sa health sector na mag-hire.
Paliwanag pa kan embahada na nakaresibe sinda nin mga report na igwang nagbiyaheng Internationally Qualified Nurses sa New Zealand gamit an visitor visa na pwersahang pigpapahali sa nacion makalihis mapaso an saindang visa huli sa kawaran nin trabaho kasunod kan kakulangan nin job opportunites para sa nurses.
Katakod kaini, inenganyar kan Embahada na mga Pilipinong nurse na siertuhon na igwang trabaho na malalaogan sa nasabing nacion antes maghali sa Pilipinas.
