LEGAZPI CITY- Aminado an grupo nin paraoma na maski papano makakabawas sa gastos sa produksyon an ipinaotob na tapyas sa presyo kan produktong petrolyo.
Segun ki Bantay Bigas Spokesperson Cathy Estavillo sa intrevista kan Bombo Radyo Legazpi na dae man dapat magin kampante an mga namamanwaan huli sa pabago-bagong presyuhan, urog pang harayo pa sa pre-crisis an presyo kan langis na nasa P55 kada litro.
Bako man suboot otomatiko na nagbababa an presyo kan abono, kaya magabat man liwat an pasanin kan mga paraoma.
Katakod kaini, padagos man an pangapudan kan grupo na ibasura na kan gobierno an oil deregulation law ngani na dagos na makontrol an presyuhan.
Dugang pa kaini na wara man na patod an saindang pangapudan na ibasura an value added tax asin excise tax huli ta dae man ini nakakabalik sa mga namamanwaan.
Segun pa ki Estavillo na maski pa igwang bigtime na pagbaba sa presyo kan produktong petrolyo, wara man na nangyayari na pagbaba sa presyo kan bagas asin iba pang mga babarakalon.
