Inihayag kan Philippine National Police (PNP na dudugangan an mga kapulisan na idi-deploy sa Senado asin pagtaraning mga pasilidad kan gobierno sa tahaw kan nagpapadagos na tensyon sa politika.
Segun ki PNP chief Police General Jose Melencio Nartatez Jr. na sinugo na niya an National Capital Region Police Office (NCRPO) asin mga local police units na mas higutan an seguridad sa palibot kan Senate complex.
Paliwanag kaini na an nag-iinit na tensyon sa politika an nagkawsa nin debate sa publiko asin nagresulta sa halangkaw na posibilidad kan mga demonstrasyon sa mga institusyon kan gobierno.
Tinawan duon ni Nartatez na obheto kan presensya kan kapulisan na siertuhon na salbado an publiko asin siertuhon na magpapadagos an mandato kan mga ahensya kan gobierno.
Sinierto man kan opisyal na nagtetenir na apolitical an pambansang kapulisan.
Nagtatabang man sa kapulisan sa pagmamantenir kan paz y orden an Senate security officials, local government units, asin traffic management authorities.
