Inanunsyar ni FBI Cyber Division Assistant Director Brett Leatherman na nasawata na an botnet na gamit kan Chinese group na QTFY.
Marurumduman na pigta-target kan QTFY an nagkapirang critical infrastructure sa US.
Nagluwas sa imbestigasyon ninda na konektado an QTFY sa Nanjing Xinjiuwei Network Technology Company na nagpapabakal kan mga hinabon na data asin hacking services sa Chinese military asin intelligence agencies.
An QTFY an nagtatrabaho sa Nanjing Xinjiuwei Network Technology Company.
Enot na inanunsyar kan US Department of Justice na napugulan ninda an duwang hacking platform na QScan asin QTRouter na pigo-operate kan China.
Nagkapira sa mga biktima kan QTFY computer intrusion an National Aeronautics and Space Administration, Federal Reserve, Department of Energy, Department of Justice, Department of Health and Human Services, National Institutes of Health asin an US Senate.
Sinierto man ni Attorney General Todd Blanche na dinis-abled na asin pig-iimbestigaran na an malicious software kan China.
