Naghahalat na sana nin kasuguan an Embahada kan Pilipinas sa United Arab Emirates kun mamagamit an arrest order kan Kamara de Representante kontra ki Harry Roque, ngani na makatipon pa nin impormasyon dapit sa pagtetenir kaini sa nasabing nacion.
Segun ki Philippine Ambassador to the UAE Alfonso Ferdinand Ver na basado sa pinakahuring impormasyon na saindang naresibe, nagtetenir si Roque asin esposa kaini na si Mylah sa UAE.
Aminado an opisyal na dae man magtatao nin impormasyon an mga otoridad sa nasabing nacion kun wara nin arrest warrant o Interpol notice.
Marurumduman na enot ng sinabi kan Bureau of Immigration na posibleng nakaluwas sa Pilipinas si Roque sa iligal na mga paagi.
