LEGAZPI CITY—Nangapudan an sarong election watchdog na dae dapat baluon na magin ley an ipigbubusol na ‘Anti-Fake News Law’ o an mga pagbalo na i-regulate kan gobierno an media.
Segun ki Kontra Daya Convenor Prof. Danilo Arao, sa intrevista kan Bombo Radyo Legazpi, ini sarong delikadong lakdang nin huli ta kun papapabayaan an gobierno, siring kan pagtao nin kahulugan sa terminong “fake news,” an posibleng maagi sa bako pagkakasiranabutan.
Dugang kaini na baka pati an kritikal na komentaryo o pagbabareta magin an investigative report na nagtutuyaw sa nagkapirang programa asin polisiya kan gobierno an pwedesir na apudon na “fake news.”
Sinabi man kan opisyal na an perspektibo kan nagkapirang opisyales kan gobierno iyo an katotohanan an susog sana sa mga positibong lakdang kan gobierno, asin kun ano man na negatibo an baka isipon kan na fake news na ini.
Tinawan-duon pa kaini na dapat pabayaan sana an self-regulation sa media asin dae dapat pigkokontrol kan gobierno.
Maski man na dakol an naglalakop na fake news, sinabi kaini na bako solusyon na papabayaan an gobierno na ikontrol ini huli ta pwedesir ining ma-weaponize.
