LEGAZPI CITY-Mas naglakop pa an Ebola outbreak sa Democratic Republic of Congo (DR Congo) makalihis mairehistro an enot na nagadan sa lalawigan kan Bas-Uele, an ika-6 na lalawigang naapektaran kan helang.
Segun kay Africa CDC Director-General Jean Kaseya, nagadan an sarong lalaki sa ciudad kan Buta matapos magbiyahe hale sa Haut-Uele. Nagpatanid man siya na posibleng maghaloy nin labi sa sarong taon an outbreak asin magin pinakadakula ini sa historya kun dai mapupugulan.
Basado sa datos kan gobierno kan Democratic Republic of Congo, nagsakat na sa 4,566 an kaso kan Ebola virus kun sain 2,128 na an nagadan digdi. An outbreak kawsa kan Bundibugyo strain kan Ebola virus na wara pang aprubadong bakuna o bulong.
Sinabi man kan World Health Organization (WHO) na mas marikas an paglakop kan outbreak kumparar sa mga naenot kaini.
Nagpoon na man an clinical trials para sa duwang posibleng bulong asin pigtest na an mga bakunang binilog laban sa nasabing virus.
