LEGAZPI CITY—Arestado an duwang lalaki sa magkasuway na operasyon kan mga otoridad sa Ligao City, Albay.
Segun ki Ligao City Police Station Police Lieutenant Colonel Herminio Olivares, sa intrevista kan Bombo Radyo Legazpi, enot na digdi naarestar an sarong 19-anyos na suspek sa kasong statutory rape sa Barangay Basag kan nasambitang ciudad.
Sinabi ni Olivares na an an nasabing kaso warang pigrekomendang piyansa.
Afuera digdi, arestado man an sarong 28-anyos na lalaki sa kasong acts of lasciviousness sa Barangay Pinamaniquian, Ligao City, Albay.
May piyansa ining P180,000 para sa paramientras na libertad kan suspek.
An pagkakaarestar kan mga suspek an nagpapahiling na an mga kapulisan padagos sa pagsagibo kan saindang trabaho nganing masierto an kaligtasan kan publiko, asin maarestar an mga indibidwal na nagbabalgar sa ley kan nacion.
