Naghuma si Presidente Rodrigo Duterte na dae mapaluwas nin national budget sa masunod na taong kung magpapadagos an suboot pinaggigibong pagparalisar kan nagkapirang Senador sa gobyerno.
Sa saiyang Talk to the People, liwat na tinuyaw ni Duterte an pinaggigibong pagdangog kan Senado manungod sa kontrobersiyal na pagbakal kan gobyerno nin mga pandemic supplies sa Pharmally.
Segun sa Presidente napaparalisar asin naapektaran na an trabaho kan gobyerno dara sa mga hearing na ini huli sa pagappaapod sa mga opisyal kan gobyerno.
Huma ni Duterte na kung babaloon man kan Senado na halian nin budget an Office of the President dae niya naman pipirmahan asin ipapaluwas an pondo.
Liwat man ining nagpahayag nin pagkadismaya sa suboot padagos na akusasyon nin korapsyon sa procurement maski pa ngani malinig man an rekord asin wara man talaga nin nangyaring anomaliya.
Magigirumduman na enot naman na nagpaluwas nin memo si Duterte na nagbabawal sa mga opisyal kan gobyerno na mag-atindir sa pinaggigibong pagdangog kan Senado.
