LEGAZPI CITY-Nagabot na sa labi P8.4 milyon na kantidad kan humanatarian aid an naibarewas kan Department of Social Welfare and Development (DSWD) sa probinsya kan Albay ngani matabangan an mga pamilya na apektado kan pag-alburuto kan Bulkang Mayon.
Segun kay DSWD Asst. Secretary Irene Dumlao, direkta ining maibabarewas sa disaster response operation kan mga local government units.
Padagos man an saindang pagtatao nin tabang orog na sa mga pamilya na nasa evacuation centers.
Maabot man sa 1,100 pamilya o 4,000 na indibidwal an pigebakwar asin temporamenteng nasa 12 evacuation centers sa provincia.
Presente man na nasa Alert Level 3 an Bulkang Mayon.
