Ipiggiit ni Department of Social Welfare and Development (DSWD) Secretary Rex Gatchalian na bako sarong pork barrel ang programa kaining Ayuda para sa Kapos ang Kita Program (AKAP) asin bako responsibilidad kan mga opisyal kan barangay an pagmidbid kan listahan nin mga benepisyaryo kan programa.
Sa sarong pahayag, tinawan doon ni Gatchalian na pigseserbihan kan gabos na DSWD field offices sa bilog na nasyon an mga tawong nangangaipuhan—walk-in clients man o ni-refer kan mga opisyal kan lokal na gobyerno.
Piglinaw pa kan opisyal na ipigproseso kan saindang social workers an mga aplikasyon para sa AKAP asin pigkarkulo an kantidad kan tabang na ipigtao para sa mga kwalipikadong benepisyaryo.
Ginibo ni Gatchalian an paglilinaw makalihis an naenot na pahayag ni retired Supreme Court Senior Associate Justice Antonio Carpio na ipigkumpara an AKAP cash assistance sa kontrobersyal na pork barrel system asin ipigrekomendang isumiter kan mga barangay official an listahan kan mga benepisyaryo.
Ipiggiit man ni Secretary Gatchalian na warang probisyon sa panuntunan kan AKAP na nagtutugot sa mga opisyal na midbidon an mga benepisyaryo kan programa.
Ineksplikar pa kaini na an orihinal na obheto kan AKAP an protehiran an mga minimum wage earner asin near-poor na mga Pilipino gikan sa epekto kan inflation.
