Ikina-ugma ni Deputy Speaker Ronaldo Puno an pahayag na suporta ni Senate President Vicente “Tito” Sotto III sa propwestong pag-amyenda sa Konstitusyon, na suboot importanteng lakdang nganing maibusol an makabuluhan asin seryosong reporma sa nacion.
Segun kay Puno, bako supisyente na an Kamara sana an maghiro sa orolay kan Charter change huli ta malinaw na kinakaipuhan an kooperasyon asin malinaw na suporta kan Senado nganing magtrayumpo an anumang pagbabago sa Saligang Batas.
Sinabi ni Puno, an aktibong partisipasyon kan duwang kapulungan an lyabi sa sarong maayos, kapanu-panubod, asin responsableng proseso kan deliberasyon.
Idinagdag pa kan Deputy Speaker na makakatabang an partisipasyon kan Senado na masyerto na may transparency asin kredibilidad an mga diskusyon manungod sa constitutional amendments, asin dae pighihidali o pigpipirit.
Magigirumduman na kan Nobyembre 11, si Puno, bilang chairman kan National Unity Party (NUP), kaiba an mga miyembro kan partido nagsangat kan House Bill No. 5870.
Katuyohan kan propuesto iyo an pag-apod nin sarong Constitutional Convention na iyo an matukar kan mga propuestong pag-amyenda sa 1987 Constitution sa paagi kan sarong participatory asin demokratikong proseso na nagrerepresentar kan boses kan namamanwaang Pilipino.
Pagdoon ni Puno na importanteng indikasyon an suporta kan Senado, partikular na an liderato kaini na igwang lugar para sa seryosong diskusyon dapit sa Charter change na nakasentro sa national interest.
