LEGAZPI CITY — Arestado sa ikinondusir na buy-bust operation an sarong drug personality sa P-4 Barangay Peñaranda, Legazpi City.
Nabisto an suspek na si Jayson Llaguno na residente kan Barangay Bonot sa nasambitan na syudad.
Segun sa impormasyon, makalihis an koordinasyon sa Philippine Drug Enforcement Agency (PDEA), isinagibo an operasyon kan pwersa kan Legazapi City Police sa pakikipagtabangan sa Provincial Public Safety Company (PPSC), asin 5th Regional Public Safaety Batallion (RPSB) kontra sa sarong Nicolas Tolentino alagad nagresulta an operasyon sa pagkaka-arestar ki Llaguno.
Nakumpiskar man digdi an manlaen-laen na klase nin drug paraphernalia kaibanan na an sarong sachet nin pinagtutubudang shabu, sarong digital weighing scale, sarong aluminum foil, asin 8 pakete nin suspected shabu.
Isinairarom an naarestar na suspek asin an mga nakumpiskar na ebidensya sa laboratory examination sa Regional Crime Laboratory.
