Nanindugan si Senate President Pro Tempore Panfilo Lacson na dapat na responsable ni Public Works Secretary Vince Dizon an suboot salang computation kan cost reduction kan labi sa 10,000 na DPWH infrastructure projects para sa 2026, asin dae pagbasulon an Senado huli ta madara sana ini nin deadlock o ma-ooctaba an mga proyekto.
Segun sa Senador, sa deliberasyon kan P6.793-trilyon na 2026 national budget, mismong si Sec. Dizon an makusog na naghagad nin 25% na pagbawas sa budget kan DPWH o haros P54 bilyones, kaya ibinaba kan Senado an pondo hale sa P624.4 bilyones kan Kamara pasiring sa P570.4 bilyones.
Sinabi man ni Lacson na dapat munang aminon kan DPWH an error sa computation asin pormal na maghagad nin reconsideration.
Inot nang nanundigan sinda Senate President Vicente Sotto III asin Senator Sherwin Gatchalian na an DPWH an may sala, huli ta an P45 bilyon na pagputol base sa adjustment factors asin datos na itinao mismo kan DPWH.
Nagpatanid an Senado na kun dae nin magtuga gikan sa DPWH, posibleng ma-octaba an budget asin posibleng maapektaran an implementasyon kan mga proyekto.
Magigirumduman na na-octaba an deliberasyon kan bicameral conference committee (bicam) para sa 2026 budget huli sa dae pagkakasundo dapit sa bagay na ini.
