Nangapudan si Senator Sherwin Gatchalian nin mas agresibong lakdang kan gobierno nganing simbagan an naglalang krisis sa enerhiya na kawsa kan paghalangkaw kan presyo kan langis sa pankinabang merkado.
Partikularmenteng pig-engganyar kan senador an ehekutibo na makipag-ulay sa Iran nganing masierto an salbadong pag-agi kan mga oil vessel kan Pilipinas sa Strait of Hormuz, sarong kritikal na ruta kan suplay nin langis.
Segun ki Gatchalian, importante an tulos na high-level diplomatic action nganing maibitaran an pagka-octaba kan suplay na lalo sanang nagpapagabat sa mga konsyumer.
Kasabay kaini, sinabi kman kan senador na nagtatao nin paglaom an Camago-3 gas field sa tahaw kan naghahalangkaw na energy costs, mantang aabuton pa suboot nin panahon bago ini mamatean sa presyo kan kuryente.
Tinawan-doon ni Gatchalian an importansya kan padagos na eksplorasyon asin pamumuhunan sa lokal na enerhiya nganing masierto an bastanteng suplay asin mas abot-kayang presyo sa presente.
Sa huri, ipigdoon kan senador na kinakaipuhan an sabayang lakdang, puon diplomasya, lokal na produksyon, sagkod regulasyon kan presyo, nganing masierto an bastanteng suplay asin mapagian an epekto kan krisis sa enerhiya kan mga Pilipino.
