Inanunsyo kan businessman na si Anthony Pangilinan, ama kan aktor na si Donny Pangilinan, an desisyon kan saindang pamilya na magtao nin diesel discount sa saindang gasolinahan ngani na matabangan an pangangaipo kan mga motorista sa tahaw kan paglangkaw kan presyo kan produktong petrolyo.
Sa sarong post, sinabi ni Anthony na pinag-adalan ninda an epekto kan paglangkaw kan presyo nin gasolina, bako sana sa saindang negosyo kudi magin sa komunidad.
Paliwanag kaini na an aki na si Donny, na kaibaan man sa negosyo an nagsuhestyon na magbawas nin P3 bawas sa kada litro kan regular price kan diesel sa saindang istasyon sa South Forbes sa Cavite, na nagpuon ngunyan na aldaw nin Martes, Marso 17.
Alagad aminado ini na bako paborable kun pag-oolayan an ganansya, nangibabaw an kagustuhan ninda na makatabang sa mga motorista asin consumers sa hampang kan magkakasunod na oil price hikes.
Nagpromesa an pamilya Pangilinan na imamantenir an hibabang presyo kan diesel hasta sa kaya kan saindang operasyon.
Tulos man na inomaw kan publiko an aktor asin an ama kaini kun sain dakol an huminanga sa pagiging socially conscious ni Donny.
