Ipigkokundusir an DNA testing sa Nepal ngani na maaraman an pagkakabisto kan mga hawak kan mga biktima sa malagim na pagbaha na tuminama sa nacion kan nakalihis na semana.
Nagtatao nin DNA samples an kaparientes kan mga nawawara ngani na maitugma an saindang genetic profiles sa mga nakuwang bangkay, mantang an ibang pamilya an nagsasagibo nin symbolic funeral para sa mga padangat sa buhay na dae pa nadudukayan.
Segun sa mga report, labi sa 1, 200 na an nagadan sa Nepal asin labi sa 4,000 man an nawawara makalihis an flash floods kan Agosto 26.
Nagpuon an kalamidad makalihis an pagrasay nin yelo asin bato hali sa glacier sa Himalayas, na nagkawsa nin makusog na pagragasa nin tubig, putok, asin debris sa mga komunidad na harani sa border kan Nepal asin China.
Kaibanan sa mga matinding naapektaran an Rasuwa district, kun sain nagpapadagos an search and rescue operations.
Padagos man an pagkolekta nin DNA samples asin iba pang impormasyon ngani na maaraman an mga dae pa nabibistong mga biktima asin maiuli sa saindang pamilya an mga hawak.
