Mahigot na tinuyaw ni House Deputy Minority Leader asin ACT Teachers Party-list Rep. France Castro an direktiba ni Presidente Ferdinand ‘Bongbong’ Marcos Jr., na ibali sa weekly flag ceremonies kan mga ahensya kan gobierno asin state universities and colleges an ”Bagong Pilipinas Hymn and Pledge.”
Segun sa lehislador, dapat na bawion kan Presidente an iniluwas na Memorandum Circular No. 52 dapit digdi na self-serving asin nagpapahiling sa bakas kan Martial Law na ipinaotob kan saiyang ama.
Tinawang duon ni Castro, na imbes na siring na mga gimik an pigigibo, dapat an mas pig-aaram na sana kan administrasyong Marcos an oras kaini ngani na pag-isipan asin aksyunan kun papano solusyunan an mga problema kan namamanwaan.
Pangenot na sinabi kaini an pagtaas kan sweldo, pagpapababa kan presyo kan mga barakalon, pagtabang sa mga driver asin operator na dae mawaran nin hanapbuhay asin pagkrear nin mga kalidad asin regular na trabaho sa nacion.
