LEGAZPI CITY-Nag-alokar an Department of Education (DepEd) nin kabilugang na kantidad na ₱78.1 million para isagibo an kinakaipuhan na pagsasaayos, paglinig, asin tulos na paghirahay kan mga school buildings asin pasilidad na naapektaran kan matinding pananalasa kan bagyong Uwan.
An nasabing alokasyon nin pondo an pig-anunsyo ni Education Secretary Sonny Angara makalihis na i-report asin ipapubliko kaini an mahiwas na danyos na sinapar kan kan poco mas o menos 312 na pampublikong eskwelahan sa manlaen-laen na rehiyon sa bilog na nasyon.
Segun saiya, an ₱20.2 milyon hale sa kabilugang pondo an partikularmenteng nakatalaan asin gagamiton para sa mahiwasang paglinig asin pagsasagibo nin clearing operations sa mga eskwelahan na labing naapektaran siring man an mga nalubog sa pagbabaha dara kan makukusog na paguuran.
Mientrastanto, an natatadang kantidad na ₱57.9 milyon an itinagama para sa mga minor repairs na kaipuhan ngani magamit na an mga pasilidad para sa mga estudyante sa pinakamadaling panahon.
