Puminakol na sa 10 katawo an nagadan sa nagpapadagos na mahiwasang wildfires sa Los Angeles, California sa Estados Unidos.
Katakod kaini nagpatanid an mga otoridad na pwedesir pang maglangkaw an death toll sa tahaw kan nagpapadagos na paghanap kan mga responder sa nagkapirang pinakamatinding tinamaan na lugar.
Ginibo an nasambit na patanid kasabay kan pagpuon kan mga bumbero na liboton an mga lugar na nakapagrehistro nin darakulang wildfires, kun saen kadaklan sa Palisades fire na nakaapektar sa Pacific Palisades area kan Los Angeles asin an suminiklab na Eaton Fire na nakaapektar man sa Pasadena.
Huli kaini, maabot sa 10,000 istruktura an nadestroso.
An Palisades fire an ipigkokonsiderar ngunyan na pinakadakulang wildfire na nairehistro sa bilog na kasaysayan kan Los Angeles, California.
An nangyayaring wildfire sa lugar pigtutubudan na kawsa kan Santa Ana winds na extreme asin dry winds na karaniwan pag malipot an panahon o winter months.
Sa paliwanag kan mga eksperto, an paros na nag-iihip pag taglipot—mara huli ta dae ini gikan sa mga katubigan, kaya pig-aapod ini na offshore winds.
