Legazpi City- Gadan an 39-anyos na lalake makalihis na saksakon asin tigbason kan saiyang bayaw sa Barangay Lumbang, Pilar, Sorsogon.
Sa intrevista kan Bombo Radyo Legazpi kay PSSG Christopher Lopez, Investigator on case, Pilar MPS, nagpangbuno an duwang indibidwal makalihis an dae pagkakasinabutan kan mga ini .
Dugang pa kan opisyal na haloy na suboot na igwang dae pagkakasinabutan an biktima asin suspek. Asin nasa impluwensya man kan arak an duwa.
Sa imbestigasyon kan mga otoridad nagsapar nin dakol na saksak asin tigbas sa parte kan liog asin likod an biktima antes ini man an bawian nin buhay o dead on the spot an biktima.
Mientras tanto tulos man nagsuko an suspek sa mga otoridad sa paigi man kan pakikikoordinar kan Barangay.
Mantang nangapudan man opisyal na maging kalmado sa gabos na oras para maibitaran an kaparehong insidente.
