Nangapodan si Mamamayang Liberal Rep. Leila de Lima na i-livestream nin bilog an gabos na pagdangog kan Independent Commission for Infrastructure (ICI) asin limitaran an executive session sa mga pambihirang pagkakataong pigtutugutan kan Korte Suprema.
Kinuwestiyon kan mambabatas an guidelines kan ICI na nagpapatugot nin closed-door hearings, huli ta an mga isyung pig-iimbestigaran kabale an suboot iregularidad asin posibleng korapsyon sa flood control projects an malinaw na may public interest.
Pagdoon niya, pighahagad kan Konstitusyon asin Executive Order 94 an ganap na paglalantad kan mga prosesong may kinaaraman sa publiko.
Sinabi man niyang dapat magpaluwas an komisyon nin supplemental guidelines na may mas malinaw na basehan asin likayan an paggamit nin mas mahewas na exceptions hale sa Republic Act 6713 o sa SC Rules on Access to Information.
Pwede man suboot na iluwas an recordings kan mga nakaaging hearing kun matugot an mga testigo.
Dugang pa ni De Lima, bako man korte an ICI, kun kaya dae man kaipuhan na sobrang higpit o pormal an proseso kan imbestigasyon.
 in full and limit the executive session to the rare occasions allowed by the Supreme Court.){kind=link}