LEGAZPI CITY-Nakalaya na sa kulungan si dating Honduras President Juan Orlando Hernández.
Makalihis ini kan tawanan siya kan pardon ni US President Donald Trump.
Tuluyang nakalaya si Hernández sa high security facility kan USP Hazelton sa West Virginia.
Marurumdumang napatunayang guilty si Hernandez kan Marso 2024 huli sa pagpuslit kan nasa 400 toneladang cocaine sa Estados Unidos asin hinatulan nin 45 taon na pagkakakulong.
Paliwanag ni Trump na nakakaresibe si Hernandez nin bako tama asin mapangulog na ma komento sa social media.
Nagpasalamat man an agom ni Hernandez na si Ana Garcia de Hernandez kay Trump huli sa ipinataw kaini na pardon.
Si Hernandez an hale sa National Party na nagserbing presidente poon 2014 hasta 2022 asin na-extradite ini sa Estados Unidos kan Abril 2022 para sa pagdangog kan saiyang kaso.
