Tinawan duon ni dating Chief Justice Artemio Panganiban na an kahagadan, pighahanap, asin pinaglalaoman kan mga namamanwaang Pilipino hali sa Senado iyo an ‘hustisya.’
Sa saiyang paghampang bilang amicus curiae sa Senate Impeachment Court, dae nag-atubili an dating punong mahistrado sa pagsasabi na garing an hapot asin simbag na pinaghahanap kan mga senator-judge an anas hali sa point of view kan mga senador.
Pigduon ni CJ Panganiban, dapat man na ikonsiderar kan mga senador an pighahagad asin pighahanap kan publiko hali sa mga senador-judge, asin ini an hustisya.
Importante suboot na maaraman kan mga senador an saloobin kan publiko na naghahagad nin hustisya hali sa sarong impeachment court, bilang saro sa mga pangenot na giya sa pag-usad kan impeachment trial.
Nanindugan an dating mahistrado na bako mandato kan senador na magsirbi bilang ‘judges’ kundi bilang magurang na igwang poder na disiplinahon an mga impeachable official.
Hayagang sinabihan kan dating mahistrado an mga senator-judge na bako sinda mga huwes kundi nago-otob sinda bilang magurang na tinawan kan Konstitusyon kan poder na dadangugon an kaso kan pinakahalangkaw na opisyal kan nacion.
