LEGAZPI CITY- Tama sa manlaen-laen na parte kan lawas an sinapar kan sarong dating brgy. kagawad makalihis na pagbabadilon sa laog kan harong kaini sa Brgy. Canvañes, banwaan kan Batuan, Masbate.
Binisto an nasambit na biktima na si Ernie Llonoso, 38 anyos na nagsiribeng opisyal sa Brgy. Costa Rica sa parehong banwaan.
Personal na ipinaabot ni Kgwd. Severo Basas sa pulisya na nangyari kun saen napag-araman na apat na armadong kalalakihan an suminakyada sa harong kan biktima.
Antes an pambabadil, kinuha suboot kan mga suspetsado an cellphone kan biktima saka na ini ginadan.
Sa ngonian, nasa masusing imbestigasyon na an kapulisan katakod kan madugong insidente.
