Maabot sa P400 milyon an danyos sa sektor nin agrikultura sa Pilipinas dara kan Habagat asin Bagyong Carina.
Base sa datos kan Department of Agriculture, nasa 23,000 na ektarya nin tanoman an naapektaran kan kalamida hali sa mga lugar kan Ilocos, Central Luzon, Calabarzon, Mimaropa, Bicol, Western asin Eastern Visayas, Zamboanga Peninsula, Soccsksargen asin Caraga regions.
Kaiba sa mga naapektaran an mga pananom na paroy, mais, high value crops asin atamang hayop siring kan manok, baka, kambing, pato asin iba pa.
Sa kabilugan nasa 21,700 na mga paraoma an naapektaran an kabuhayan.
Inasegurar kan Department of Agriculture na papaabotan nin ayuda an mga paraomang naapektaran kan kalamidad ngani na matabangang makabawi sa nadestrosong kabuhayan.
