LEGAZPI CITY – Klinarificar kan matukaw na kongresista sa tercer distrito kan Albay an isyu sa suboot kawaran nin aksyon kan Oas Water System sa problema sa pakulang-kulang na suplay kan tubig.
Napag-araman na enot nang magkaibanan sa pagsusuplay sa mga constituentes an water system kan Ligao asin Oas hasta sa magsuway an nasabing ciudad.
Sa intrevista kan Bombo Radyo Legazpi ki 3rd District Congressman-elect Fernando Cabredo, igwang dakulang pondo na ipigtao sa Oas para sa patrabaho asin pagkakaag kan mga tubo.
Dugang pa ni Cabredo na mismong si outgoing 3rd District Congressman Fernando Gonzales an nagsugo na maggibo nin pag-aadal tangarig na makapag-alocar nin pondo na nag-aabot sa P40 million sa banwaan.
Aminado man an incoming official na haloy na an nasabing problema mientras na ipig-eksplikar na nasa kamot sana kan lokal na gobierno asin Departamento de Obras Publicas (DPWH) an pagkakaag nin mga tubo asin metro.
Alagad dawa may pasilidad pero maluya an burabod, dae man giraray masosolusyunan an problema mantang pighihiling na nasa pagmanehar na para sa ‘spring development’ an problema kaini.
Nakipag-olay na man sa mga local chief executives an incoming congressman katakod kan agrangay sa kakulangan nin suplay nin tubig sa runa.
