Pinatanidan kan Department of Agriculture (DA) an mga nagpapabakal kan napakamahal na presyo kan karneng orig na nagpapakol sa P450 kada kilo hasta P480 kada kilo sa mga pampublikong merkado.
Segun kay Agriculture spokesperson ASec. Arnel de Mesa, malibot sinda asin dudumanan an mga lugar na nagpapabakal sa napakahalangkaw na presyo sa mga karne kan orig asin sisitahon an mga ini.
Basado suboot sa inisyal na konsultasyon sa hog industry stakeholders, nagluluwas na bako resonable an mga presyo.
Susog kaya sa DA-Bantay Presyo na an mga presyo kan karneng orig an nagtetenir na halangkaw sa Metro Manila na nasa P380 hasta P480 kada kilo para sa pork liempo mantang nasa P350 hasta P420 kada kilo man para sa pork kasim.
Mientrastanto, nganing matugunan an halangkaw na presyo sa orig, naenot nang pigtaram kan DA na posibleng mag-come up ini nin manufacturer’s suggested retail price (MSRP) sa Marso nganing makatabang na mapahupa an pagsikad kan presyo kan karneng orig.
Pighihiling man kan ahensiya an posibilidad kan pagpapabakal kan mas baratong karne kan orig bilang alternatibong opsiyon sa mga konsyumer.
 has warned sellers of the high price of pork that is hitting P450 per kilo to P480 per kilo in public markets.){kind=link}