LEGAZPI CITY – Bukas na giraray sa publiko an regional office kan Civil Service Commission (CSC), puon Marso 11.
Ini makalihis na magpaotob nin temporary lockdown huli sa pagpositibo sa COVID-19 kan saro sa mga empleyado.
Sa intrevista kan Bombo Radyo Legazpi ki CSC Bicol information officer Rona Nuñez-Asuncion, gabos man na empleyado an nagsairarom sa swab testing asin labi an pasalamat na negative an resulta.
Dawa man nasa harong para sa quarantine, naka-work from home scheme man sinda asin dagos an servicio online.
Katunayan, dakol an nagcontact sa email magin sa saindang hotline numbers.
Naprobaran man suboot sa nasabing sitwasyon na dakulang bagay an pagsunod sa health standards siring kan pag-sanitize asin pagsusulot nin face mask para dai makaolakit sa virus.
