LEGAZPI CITY- Pig-oorgulyo kan mga kapulisan sa rehiyong Bicol an pagbaba kan crime rate sa enot na quarter kan presenteng taon.
Segun ki Police Regional Office Bicol Director Brig. General Andre Dizon sa intrevista kan Bombo Radyo Legazpi na nagbaba nin nasa 9.71% an crime rate sa enot na quarter kan presenteng taon kumparar sa kaparehong peryodo kan nakalihis na taon.
An nasabing akomplishimento an pigkokunsiderar na resulta kan crime prevention efforts kan mga kapulisan asin an pinakusog na police visibility.
Nagin mabunga man suboot an ikinasang mga anti-criminality operations asin an padagos na pagkokundusir nin checkpoint sa mga strategic areas.
Napag-araman na kaibanan sa mga nagbaba an kriminalidad an theft and robbery.
Sa ibong kaini, aminado man si Dizon na nagtetenir na halangkaw an mga insidete nin violence against women and children, kaya padagos ining pig-aaksyunan.
Mientras tanto, pigkokunsiderar man kan opisyal na dakulang tabang an pag-organisar nin kabataan kontra kriminalidad asin pagpapakusog kan partisipasyon asin suporta kan komunidad kaya nagigin matrayumpo an operasyon kan mga kapulisan.
