LEGAZPI CITY – Binawian nin buhay an limang residente kan Camarines Sur na naireport na nagpositibo sa COVID-19, susog sa latest data kan DOH Bicol.
Huli digdi, nagsakat na sa 211 an COVID-deaths sa Bicol.
Nagsakat naman sa 4,838 an total confirmed cases sa rehiyon makalihis an 28 panibagong nagpositibo.
Hali an lima sa mga ini sa Albay partikular na an duwa sa Daraga asin tigsararo sa ciudad kan Legazpi, Ligao asin Tabaco; walo sa Camarines Sur; walo sa Catanduanes kun sain anom sa Viga asin duwa sa Pandan asin lima sa Sorsogon patikular na an tulo sa ciudad kan Sorsogon asin tigsaro sa Bulan asin Magallanes.
Mantang may duwa man na nagpositibo na haling Rizal asin Laguna.
Mientras tanto, 13 man an nadugang sa recoveries kun kaya 4, 160 na sa kabilugan an datos.
