Pupuonan na kan Commission on Elections (Comelec) an saindang programang Oplan Baklas laban sa mga darakulang campaign posters kan mga kandidato asin wara sa common posters area kasunod na man kan pagpupuon kan campaign period para sa 2025 National and Local Elections (NLE).
Segun ki Comelec Chairman George Garcia, may ipinaluwas naman sindang guidelines siring man an mga lugar kun saen pwedesir sanang magtakod kan saindang campaign materials an mga kandidato.
Segun sa opisyal na may mga kandidato na wagas kun makapagtakod kan poster sa kahoy na saro sa saindang ipigbabawal.
Imbes pig-engganyar ni Garcia an mga kandidato na maggamit nin environmental-friendly campaign materials para maprotehiran an kapalibutan.
Nabatid ki Garcia, na nagkrear na an poll body kan committee on environmentally sustainable elections para ibusol an paggamit kan environmental-friendly campaign materials huli ta mawot nindang protehiran an kapalibutan.
Mientrastanto, puon na saaga an campaign period para sa mga madalagan sa national positions, kairiba an senador asin partylist group mantang sa Marso 28 man an sa mga madalagan sa local positions, kairiba an mga miembro kan Kongreso, provincial, city asin municipal officials.
Susog sa Comelec, mahaloy an panahon kan karampanyahan hanggang sa Mayo 10 sana o duwang aldaw bago an election day sa Mayo 12.
Nagpagiromdom man an Comelec sa mga kandidato na dae pwedesir na mangampanya sa Hwebes Santo, Abril 17, asin Biyernes Santo, Abril 18.
 will launch its 'Oplan Baklas' program against campaign posters of candidates following the start of the campaign period for the 2025 National and Local Elections (NLE).){kind=link}