LEGAZPI CITY—Pighayag kan Commission on Elections (Comelec) na pighahalat ninda an temporary restraining order gikan sa Korte Suprema hanggang Enero 12, aldaw nin Domingo, para maibitaran an pagkakatangkas kan ngaran ni dating gobernador Noel Rosal sa mga pagpipilian na mga gobernador sa probinsya kan Albay.
Segun ki Comelec Spokesperson, Atty. John Rex Laudiangco, sa intrevista kan Bombo Radyo Legazpi, na kun wara sindang maresibi na temporary restraining order gikan sa Korte Suprema pag-abot nin Enero 12, an desisyon magigin final and execotury kun saen pwedesir na matangkas na an ngaran ni Rosal sa mga pilian sa pagkagobernador sa nasambit na probinsya.
Pigtaram kaini na dae nababago an pagpapaotob kan saindang patakaran huli ta nangyari na man ini sa mga nagkapirang politiko sa nasyon.
Dugang kan opisyal na gabos na kasong naisangat sa Comelec asin man an mga kaso mapadapit sa motion for reconsideration sainda ining pigtatapos bago mag-imprenta nin mga balota para en kaso man na igwang may ma-disqualify, nuisance candidate, o magkanselar kan certificate of candidacy sainda na ining maitangkas sa balota.
Tinawan-doon man kaini na pwedesir sinda magtangkas nin ngaran nin aspirante sa pinal na Comelec ballot, alagad dae man ini pwedesir na dugangan pa.
