All-set na an Commission on Elections (COMELEC) sa gigibohong proclamation kan 12 nangganang Senador.
Segun ki COMELEC chairman George Garcia, na dagos na ngunyan na aldaw, Sabado, Mayo 17, an nasabing proclamation na isasagibo sa Tent City an Manila Hotel, alas-tres nin hapon.
Tutugutan an mga nangganang kandidato na magdara nin 10 hanggang 15 kaiba ninda.
Kada kandidato an matatawan nin limang minuto ngani magpasalamat sa mga nagsuporta sainda.
Dugang kaini na napadarahan na kan National Board of Canvassers nin formal invitations an 12 senators.
Nakumpleto an canvassing kan gabos na 175 certificate of canvass kan Huwebes, Mayo 15.
Sa final senatorial ranking, laog sa “Magic 12” sinda Bong Go, Bam Aquino, Bato dela Rosa, Erwin Tulfo, Kiko Pangilinan, Rodante Marcoleta, Ping Lacson, Tito Sotto, Pia Cayetano, Camille Villar, Lito Lapid asin Imee Marcos.
Sa aldaw kan Lunes, Mayo 19 an proklamasyon kan nangganang Party-list groups.
