Ibinasura kan Commission on Elections (COMELEC) an kahagadan kan kampo kan nakakarsel na si Kingdom of Jesus Christ (KJC) founder asin Pastor Apollo Quiboloy sa pagsasagibo nin manual recount nin mga boto sa katatapos pa sanang 2025 midterm polls.
Ipinaliwanag ni Comelec Chairman George Erwin Garcia na dae ini itinatakda kan ley kan nacion.
Segun pa saiya an paglansar kan sarong election protest an solamenteng paagi nganing magkaigwa nin sarong manual recount.
Naenot na digdi, sinabi ni Atty. Israelito Torreon, an legal counsel asin tagapagtaram ni Quiboloy, na an Comelec an may motu proprio powers ngani magsagibo nin manu-manong recount sa mga boto maski warang magpetisyon para digdi.
Dugang kan abogado, an manu-manong pagbilang kan boto sa precinct level an nakamandato sa Section 31 kan Republic Act 9369 o The Election Automation Law.
Bilang simbag, sinabi man ni Garcia na bilang mga abogado igwa sindang kanya-kanyang interpretasyon sa ley.
 has rejected the request of the camp of imprisoned Kingdom of Jesus Christ (KJC) founder and Pastor Apollo Quiboloy to conduct a manual recount of votes in the recently concluded 2025 midterm polls.){kind=link}