Tinawan duon ni Commission on Elections Chairman George Erwin Garcia na wara sindang itataong grace period makalihis an Setyembre 30 na panahon kan pagtatapos kan voter’s registration.
Halawig na suboot an panahon na itinao sa mga namamanwaan, puon pa kan Pebrero.
Segun sa opisyal na binuksan na ninda an opisina kan komisyon maski pa holiday, weekends, asin mga panahon na warang laog an ibang mga ahensya.
Magin sa mga mall asin mga pampublikong lugar an nag-ofresir na suboot nin “Register Anywhere Program” ngani na maaprobitsaran kan mga magpapa rehistro.
Sa ibong kan mga nakapagpa rehistro, sinabi ni Garcia na dakol man an mga delisted huli sa multiple entry mantang an iba man an binawian na nin buhay, basado sa saindang berepikasyon.
