Sinabi ni Commission on Elections Chairperson George Erwin Garcia na posibleng an poll service provider na Smartmatic an nasa likod kan suboot demolition job kontra saiya asin sa ahensya.
Nagpresentar si Garcia nin mga dokumentos na nagpapahiling na sarong Jaleo Consulting LLC, na pagsadiri ni Jose Herrera an nagibo kan deposits kan suboot offshore bank accounts sa Cayman Islands.
An nasabing bank accounts an pigtataram ni Rep. Rodante Marcoleta na naresibe kan election chairman gali sa South Korean banks.
Sinabi ni Garcia na pinag-adalan an pagkakabisto ni Herrera asin nadiskubre na direktor ini kan Albatross Technologies Corporation, na kapareho kan address kan Smartmatic sa Estados Unidos.
Nagserbi man suboot ining legal counsel kan Smartmatic asin father-in-law kan saro sa mga tagsdiri kan nasabing service provider.
Dugang pa kan opisyal na nagpadara na man siya nin surat sa US Department of Justice ngani na maghagad nin imbestigasyon dapit sa insidente.
An paggamit suboot kan saiyang pangaran asin social security number sa pinekeng bank history an pagbayolar sa US anti-money laundering law asin posibleng ikonsiderar bilang bank fraud asin identity theft.
