LEGAZPI CITY-Padagos an pigsasagibong humanitarian operation kan Coast Guard District Bicol makalihis an panrarapado ni Super Typhoon Uwan.
Segun ki Coast Guard District Bicol Public Information Officer Cost Guard Ensign Alyzza Novie Bermal sa intrevista kan Bombo Radyo Legazpi, na makalihis an pananalasa kan bagyo an tulos naglunsar sinda nin humanitarian assistance disaster response operation sa bilog na rehiyon.
Sarong insidente an nairehistro sa Viga Catanduanes kun sain na-retrieve an sarong hawak asin nai-turn over ini sa pasilidad.
Nairehistro man an saro pang insidente sa Camarines Sur kun sain saromg indibiwal na may kondisyon sa pagiisip an narespondihan.
Dugang pa kan opisyal na sa katahawan kan bagyo an nakapagrepondi man sinda sa Polangui Albay kun sain igwang nasa indibiwal an na-stranded sa saindang harong huli sa pagbabaha sa lugar.
Mientrastanto, wara naman nin stranded passengers sa mga pantalan huli sa lifted na an suspensyon sa rehiyon.
Pangapudan man kan opisyal sa publiko na magin maaram sa abiso kan ashensya asin padagos sindang magtatao nin serbisyo sa publiko.
