LEGAZPI CITY- Pig-aaram na ngunyan kan Legazpi City Police an pagkakabisto kan lalaki na nagpahiling kan saiyang pribadong parte sa pampublikong jeepney.
Napag-araman na nagpa-blotter na nasabing hepatura an saro sa mga biktima na nakasakay kan nasabing suspek sa jeep.
Segun ki Legazpi City Police Station spokesperson Police Executive Master Sergeant Carlos Paña sa intrevista kan Bombo Radyo Legazpi na posibleng sunadan an suspek nin kasong alarm and scandal.
Sa siring na mga pagkakataon, sinabi man kan opisyal na pwedesir man na pairalon an citizen’s arrest urog pa kun nasa akto na nagigibo nin kalaswaan o krimen an sarong persona.
Paliwanag kan opisyal na dae dapat pag-enuton an nerbiyos huli ta kun nagibo na makapag video sa nasabing insidente, pwedesir man kuta na maghagad nin tabang sa mga kapulisan.
Segun ki Paña na igwang mga nakalakop na kapulisan sa nagkapirang strategic locations sa provincia kan Albay kaya pwedesir na maghagad nin tabang na aksyunan an pagpapahiling kan suspek kan saiyang pribadong parte.
