Pinangenotan ni Jayson Tatum an Boston Celtics sa paagi kan game-high 22 points ngani na madaog an Golden State Warriors sa score na 125-85.
Ini an pigkokunsiderar na saro sa pinakamalalang pagkadaog kan Golden State na dae pa nadaog nin 40 puntos puon kan Enero 15, 1985.
Nag-ambag man si Kristaps Porzingis nin 18 points mantang si Jaylen Brown an igwa man nin 17 puntos.
Si Payton Pritchard an igwa man nin 14 puntos asin game-high nine assists.
Sa ibong na lado, si Stephen Curry an nakapagrehistro nin 18 points para sa Warriors na igwa sanang apat sa 12 na attempts hali sa 3-point range.
Si Moses Moody an nagdugang man nin 13 points para sa Golden State.
Nagkawat an koponan na wara sinda Draymond Green, Jonathan Kuminga, Brandin Podziemski asin Kyle Anderson huli sa injury.
