LEGAZPI CITY- Tinuyaw kan College Editors Guild of the Philippines Bicol an suboot padagos na pagbayolar sa campus press freedom sa nacion.
Ini an kasunod kan pagsuspinder sa sarong campus journalist sa sarong unibersidad sa Maguindanao.
Marurumduman na ipigsugo man an pagbawi sa access kan editor-in-chief sa saiyang column na nagku-kwestyon sa dae pagpartisipar kan MSU Maguindanao sa MSUSAA Unity Games 2026 huli sa pagpalyar suboot kaini na kuwaon an lado kan administrasyon kan unibersidad.
Segun ki CEGP Bicol Chairperson Jerecho Joven sa intrevista kan Bombo Radyo Legazpi na bilang sarong publication, warang maraot na maghapot nin katotoohan.
Dagdag pa kaini na pigbibisto an responsible journalism asin ethics alagad tama sana na magkaigwa nin due process an institusyon.
Pigkakahaditan man kaini an posibleng maging epekto sa ibang publication sa rehiyong Bicol huli ta magkakawsa ini nin pagkahadit sa mga student journalists.
Mientras tanto, tinawan duon pa ni Joven na an sarong publication an nagigin tingog kan mga estudyante kaya dae dapat na pigbabayolar an diretsos kan mga ini sa pamamahayag.
