Nalasap kan Cleveland Cavaliers an pinakamatinding pagkadaog ngunian na season makalihis magbalos an dati kaining dinaog na Oklahoma City Thunder (OKC), 134 – 114.
Gare suboot binuhos kan OKC an dagit kaini puon sa dating nalasap na pagkadaog kan huring naghampang an duwang NBA best team kun saen sa pagtatapos pa lang kan enot na quarter an kapot na kan Thunder an 17 points na kalamangan.
Dinagdagan pa kaini sa ikaduwang quarter na pina-abot sa 25 points.
Pinirit man kan Cavs na magbalos sa ikatulong quarter alagad dae pa man kaini kinaya an episyenteng opensa kan best Western team. Imbes na mahabol, lalo lang na nagtaas an lead asin mag-abot pa sa 37 points.
Sa laog lang nin 29 mins. an nagibo ni Shai Gilgeous-Alexander na maglaog nin 40 points, kaiba an walong assists. Nag-ambag man an forward kan koponan na si Luguentz Dort nin 22 points sa laog lang nin 20 mins. na pagkakawat.
Warang nagibo an limang Cavs starter sa pag-masaker kan Oklahoma sa mga ini. Magin an sharpshooter na si Donovan Mitchell an nalimitaran lang sa walong puntos sa laog kan 21 mins. na pagkakawat.
Sulamentneng si Darius Garland an naggibo nin episyenteng opensa hale sa Cavs kun saen sa laog nin 24 mins. na pagkakawat an nagibo niyang magpalaog nin 20 points, kaiba an siyam na assists.
Kasunod kan nasabing kawat, parehong kapot ngunian kan duwang koponan an 34-6 na win-loss record na parehong best record sa presenteng season.
