LEGAZPI CITY—Nagkundusir an Catanduanes Police Provincial Office nin skills training on creative crafts para sa mga babaeng kapulisan asin non-uniformed personnel bilang parte kan selebrasyon kan National Women’s Month.
Segun ki Catanduanes PPO PIO PLTCOL Rosalinda Gaston, sa intrevista kan Bombo Radyo Legazpi, maabot sa 80 mga personahes an nagboluntaryo na magpartisipar sa nasambitang aktibidad kun saen nagkaigwa nin training siring kan pastry making asin flower making.
Nagpapasalamat man an saindang opisina sa Catanduanes State University na iyo an saindang tandem sa aktibidad.
Pigtaram kan opisyal na nagin positibo an nagin resulta kaini asin ikinaogma kan mga nagpartisipar.
Ini man suboot an primerong beses na nagkaigwa nin skills training para sa mga babaeng personahes kan saindang ahensya.
Mientrastanto, pwedesir nang gibohon an aktibidad taon-taon huli ta ginibohan na ining Memorandum of Agreement sa pagultangan kan Catanduanes State University asin Catanduanes Police Provincial Office.
