LEGAZPI CITY—Nagpepreparar na an lokal na gobierno kan Camalig, Albay na magbarewas nin livelihood program para sa mga inebakwar na mga residentes huli sa pag-alburoto kan bulkang Mayon.
Segun ki Camalig Local Government Unit Public Information Officer Tim Florece, sa intrevista kan Bombo Radyo Legazpi, katuwang ninda sa pagbarewas nin asistensya an Camalig Training Center asin iba pang na mga lokal na ahensya.
Dugang niya naghahanap na man sinda nin pwedesir na i-augment sa saindang mga resources.
Mientrastanto, pighayag man kan opisyal na natatawan nin magkakanigong asistensya an mga nag-eebakwar na mga residentes sa mga evacuation sa saindang lugar.
Sa presente, maabot na sa pocomas o menos 207 nang pamilya o katumpad nin 733 indibidwal na an nag-ebakwar sa nasambitang banwaan.
