LEGAZPI CITY — Gadan na kan madiskubre an sarong lalaki na nagpapataw-pataw sa Marocmoc river sa Barangay Bonbon, Libon, Albay.
Binisto an biktima na si Sammy Rempillo, 37-anyos asin residente kan Barangay Zone 4 kan banwaan.
Sa intrevista kan Bombo Radyo Legazpi ki P/Maj. Ryan Atanacio, hepe kan Libon Municipal Police na base sa inisyal na imbestigasyon, nakipag-inuman pa si Rempillo banggi antes ini madiskubreng wara nang buhay.
Pauli na suboot an biktima sa Sitio Paclas na sa baba kan Barangay Bonbon, kan mahulog asin malamos maski hibabaw sanang salog.
Segun ki Atanacio, tulos man na nai-report kan opisyales kan barangay an insidente kun kaya nagkondusir na nin operasyon.
Abiso man kan hepe na gibuhong moderasyon sana an pag-iinom.
