LEGAZPI CITY- Hinale kan Philippine Institute of Volcanology and Seismology (PHIVOLCS) an paghadit kan publiko katakod kan naoobserbarang crater glow sa tuktok kan Bulkang Mayon asin padagos na pagluwas kan aso.
Sa intrevista kan Bombo Radyo Legazpi ki PHIVOLCS resident volcanologist Dr. Ed Laguerta, nagbababa pa an aktibidad kan bulkan mientras na nag-iimpis naman an lawas kaini.
Nanotaran man an pagdiit kan nairerehistrong paglinog alagad dae pa man pwedeng ibaba sa normal alert status an presenteng nakabanderang Alert Level 2 status tangarig na maibitaran an disgrasya para sa maga magmamawot na maglaog sa danger zones.
Aminado kaya an volcanologist sa posibilidad kan lava collapse asin mga saradit na pagputok.
Kun babalikan, Enero 13 ngonian na taon kan magpuon an pagputok kan nasabing bulkan mantang nag-abot pa sa Alert Level 4 status an ibinandera o imment hazardous eruption.
