LEGAZPI CITY-Padagos an pigsasagibong inisyatiba kan Brgy. Cabangan West, Legazpi City pagabot sa urban gardening para sa mga residentes sa komunidad.
Segun kay Punong Barangay Rowena Olimpo sa intrevista kan Bombo Radyo Legazpi na sa 32 na mga gulayon sa saindang garden, nagin benepisyo suboot ini para sa mga residentes na makaukod magtanom.
Kabale sa saindang mga gulayon an mga lettuce, petchay, talong siring man an pagdagdag ninda nin manukan asin fish pond bilang saro pang kategorya.
Afuera sa pagtatanom, natawanan man nin honra an nasabing barangay sa pagigin smoke free huli sa saindang inisyatiba asin pagmamanihar kan kalinigan kan saindang komunidad.
