LEGAZPI CITY – Inengganyar kan sarong bokal an gabos na lokal na gobierno asin provincia governments sa bilog na Pilipinas na makipagtabangan asin magdonate nin pondo para sa mga bagong ekipahe kan Philippine Coast Guard asin Philippine Navy.
Sa ipigsumiter na resolusyon ni Catanduanes Provincial Board Member Giovanni Balmadrid, nakapalaman an pagkakasararo para sa obheto na maibusol an pagprotehir sa resources na yaon sa West Philippine Sea.
Sa intrevista kan Bombo Radyo Legazpi ki Balmadrid, igwang pag-aadal na nagsasabing saro-mikabang taon na sana suboot asin pigpepensar na mawawaran na nin lugar na pagkukuwaan nin sira an saradit na fisherfolks sa WPS huli sa pambu-bully kan mga darakulang Chinese fishing vessel.
Naaalarma an opisyal urog pang nagkapirang kilometro sana suboot an distansya kan Catanduanes sa Philippine Rise kun sain naonotaran man an presensya kan mga barko na nag-aagi duman na warang permiso.
Aminado si Balmadrid na dawa maisog an mga Pinoy na nagbabantay sa soberanya asin teritoryo kan nasyon alagad kulang ini kun bako moderno an teknolohiyang pigagamit.
Ipigheras pa ni Balmadrig na kun madonate nin tigsasarong milyon an kada LGU, katumbas ini kan pagsasakrificio nin 100-meter sanang pavement road.
