LEGAZPI CITY—Naarestar an pigkokonsiderar na regional most wanted person kan Bicol sa Zone 2, Bayan, Dasmariñas City, Cavite.
Segun ki Bato MPS PIO PSSG Renen Delos Reyes, sa intrevista kan Bombo Radyo Legazpi, an suspetsado naarestar sa pinagsarong pwersa kan Bato PNP, Regional Intelligence Unit, Provincial Intelligence Team kan Catanduanes asin Intelligence Group.
Minidbid an suspetsado sa alyas “Yan”, 39-anyos, lalaki, warang agom; naarestar sa pagbalgar sa Akta Republika 7610 sa kasong Child Abuse asin Sexual Assault asin apat na kasong statutory rape sa saysay kan mandamiento de aresto na ipinaluwas kan 5th Judicial Region, RTC Branch 43 , Catanduanes kun saen wara man na pigrekomendang piyansa.
Segun sa opisyal na aram kan suspetsado na may pigkahampang siyang kaso kaya nagdulag ini sa probinsya kan Catanduanes asin sa tabang kan mga tawo naarestar ini sa probinsya kan Cavite.
Sa presente an suspetsado yaon na sa Bureau of Jail Management and Penology-Virac.
