Pinahigot kan Bureau of Immigration (BI) an saindang kampanya laban sa pamemeke nin mga travel documents kasabay kan patanid kan mga otoridad na mas nagigin sopistikado an mga sindikatong imbuelto sa human trafficking.
Sa iniluwas na abiso kan Commission on Filipinos Overseas, napag-araman na may mga biyahero suboot na naggagamit nin pekeng Commission on Filipinos Overseas certificates, pekeng kontrata sa trabaho asin mga pinekeng overseas work permit.
Segun ki Commission on Filipinos Overseas Secretary Dante Ang II kaipuhan maging alerto an publiko asin makipagtransaksyon sana sa mga lehitimong ahensya.
Nagpatanid man an Bureau of Immigration mapadapit sa mga insidenteng may mga nagpapanggap na church missionaries alagad napag-aramang nare-recruit para sa illegal na trabaho sa ibang nacion.
Bilang simbag, sinabi ni BI Commissioner Joel Anthony Viado na hinigotan ninda an inspeksyon sa mga eropuerto asin seaports, kasabay kan pagpapahigot nin bagong sistema.
Madugang man an ahensya nin mga personahes asin biometric systems sa mga eropuerto, asin padagos na makikipagkoordinar sa Commission on Filipinos Overseas, Department of Foreign Affairs, asin mga law enforcement agencies nganing tulos na mabisto an mga pekeng dokumento bago pa makaluwas nin nacion an mga pasahero.
 has intensified its campaign against the forgery of travel documents, as authorities warn that syndicates involved in human trafficking are becoming more sophisticated.){kind=link}